Mungkin Hasomalon Ni Jolma
Bornginna i A. Puhut nungnga tung massai humasiksak paturehon paheanna na naeng laho boanonna tu Medan, ala 2 ari nai anakkonna namargoar si Puhut naeng wisuda di sada Universitas di Medan.
Songon na bingung do ibana mamilih paheanna nanaeng pakkeonna tu si. Alai nang pe songon i dipillit ibana do sapasang jas na on, jala inama naumbagak sian na asing na adong di lamari inganan ni abitna i.
Dimanogotna dipartahuak ni manuk naparjolo sahali nga hehe A. Puhut jala nga dihobasi ibana na topek tu ulaon i. jala naik Sampri do ibana sian Sipagabu. Kebetulan ala sampri dope na jot-jot mordong-ordong di huta nasida Sipagabu.
Dibagas motor i tung massai longo do dihilala A. Puhut, marombas muse supirna dang amani Harapan na somal mamboan motor i. Jedi dang pala marpiga-piga kalimat na kaluar sian A. Puhut. Holan na kenalan do nasida di bagas motor i, jala goar ni supir nai si Ujang. Berarti dang halak batak on narohana. Umbaen i dang pola sadia nasida makkatai. “Eh tahe, molo tung so ha ajak makkatai ba ni ultom ma jolo timbaho on”, naroha ni A. Puhut. Dialtup imana ma tutu timbaho nai adong sampe 3 batang sahat tu onan ganjang.
Dung sahat tu onan ganjang adong ma sahalak ama namangambat motor na di tompang A. Puhut on. “naik, naik, naik Dolok sanggul, Medan” ninna kernek na on sian bangku ACC i.
Topet pittor hundul muse amanta I di hambirang ni A. Puhut. Dohot denggan di adopi A. Puhut. Marsijalangan nasida dohot patandahon dirina be. “Molo goarhu amang A. Puhut do” inna ibana.
“Molo hamu?” ninna amani Puhut manukkun.
“Molo au A. Pegol do bah” ninna ibana mangalusi nanget.
“Songon na uli paheanmuna dohot tasmuna balga, laho tudia do?” ninna A. Pegol manambai.
“ia ahu nanaeng laho tu Medan do lae, ala naeng wisuda anakkonhu marsogot” ninna A. Puhut nanget.
Mambege hata nai ngongong ma A. Pegol, jala sip-sip dang makkatai.
“Boasa sip hamu lae?” ninna A. Puhut nanget.
“ah tabo nai ho bah lae, adong anakkonmu na gabe sarjana, martua ma ho ba, uli nai nipim dohot tangiangmu. Boha ma ahu, hupasikkolahon do sude akka gellenghu, piga-piga hupakuliahon do, alai nanggo sada dang adong na jadi dohot na tammat. Adong ma nabandal, mangallangi uang sikkolana, marjuji dohot marganjai. Naungngeri dope huhilala, hupaborhat ma anakku tu Jakarta marsikkola manang kuliah, hukirimi balanjona tiap bulan, hape ndang na tutu marsikkola. Nipaborhat sada hian, hape mulak gabe tolu halak tu huta”. Ninna amani Pegol manuhuthon sitaononna i.
“maksudmuna aha do pinaborhat sada mulak tolu? Ai molo nabinoto sada na mararga situtu doi dah” ninna amani Puhut longang.
“Bah hian, holan ibana do pinaborhat tu Jakarta, hape mulak gabe dohot ma parumaen i dohot sada pahompu. Jadi tung maila situtu do ahu marnida pangalaho ni akka gellekkon. Sipata naeng do mandele au alani pangalaho ni sude gellengkon. Habis nasa hauma, habis parbalohan lari tu arta ni deba holan humokkop dak-danak on, alai nanggo sada pe nasida dang adong na marpahaseang” ninna amani Pegol songonna mandele jala mangapus pardompahanna naung marrara.
Dungi pittor didok A. Puhut i ma tu A. Pegol i. “Unang pittor songon i lae pakkilalaan dohot parhata-hataonmuna, sai hira naso adong be huida akka baga-baga diparngoluan muna….. tole baen, paisap jo, tole marisap jolo hita asa songon na lumbang jolo pikkiran i” ninna amani Puhut uhut ditarik ibana timbahona sian sakku ni bajuna.
Huhut marisap ma nasida dibagasan motor i, so ma muse motor Sampri i, ala adong sewa nanaeng masuk.
“Masuk…..masuk…..!!!!!!!” ninna kernek na on uhut manggantung di pintu ni motor i.
Dung masuk sewa i, pittor dipareak hundul topet di samping ni A. Puhut.
“Horas ma lae, molo au A. Puhut do, mauliate nga hundul hamu di lambung nami”
“Ia ahu amani Pegol do lae, molo hamu?” ninna A. Pegol manukkun.
“Oh, molo au si Takkual do bah” ninna ibana mangalusi sukkun2 nasida i.
Umbege goar I mekkel suping nasida nadua uhut pagalap sigaretna be nasida.
“Lao tudia hamu” ninna si Takkual jeppek. Dialusi nasida nadua “Biasa ma lae, laho tu Medan”
Jala laos dipatorang amani Puhut do pardalananna, ala naeng wisuda anakkonna.
“Ia hamu A. Pegol songon na marmera pardompahanmuna, lao tudia do hamu?” ninna si Takkual
“Imadah lae Takkual namangiburu dohot na mangapian do ahu mambege turi-turian ni A. Puhut on. Nungnga mulai sian Dolok sanggul hami nakkin marturi-turian taringot ni na maranakkon on. Nahusoritahon do sude angka pangalaho ni gellenghu, alani do lae” ninna ibana uhut di alsip sigaret nai.
“Songon on; hupasikkolahon do sude gellenghu alai nanggo sada pe dang adong na tammat, sude do mambaen hamamago, ndang adong namambaen hasangapon, hamoraon dohot hagabeon” ninna A. Pegol manambai
“ngeri nai ateh?” ninna si Takkual
“ai tarsingotna A. Pegol hea do hamu marminggu dohot martangiang?” ninna si Takkual manukkun nanget.
“Dang hea lae Takkual, songonon ma nga matua daging, dang hea hudalani Gareja laho marminggu dohot martangiang. Natal dohot Paskah pe tong do mangula tu balian holan humokkop dakdanak on sude” ninna ibana patoranghon.
“Ngeri nai ho poang, laos so hea di dalani ho gareja, Satonga ni ulaon do tangiang” ninna si Takkual.
“Olo toho do nadidok ni si Takkual lae A. Pegol, Ahu torus do marminggu. Molo so marminggu ahu songon na borat do huhilala sude daging on, jala sai songon naso mangolu do huhilala pikkiran on. Jala muse marhite namarminggu songon na godang do huhilala akka basa-basa dohot pasu-pasu na ro tu rumatangga nami, pangulaanhu pe dibalian gabe do. Songon na songe buse huhilala pinarmahanhu na di jaga-jaga si Puhut hian tikki di huta dope ibana (horbo) satonga taon kodo maranak, nga bakkaran huida, muse atik pasu-pasu na sian Tuhan i do i” ninna A. Puhut marsuhutan, manuhuthon parngoluaonna marhite haTuhanon.
“Bah tutu do bah, bereng hamu ma horbokku na hujaga-jaga i, nga bakkaran muse” ninna amani Puhut serom, ala songon na serom si Takkual otik umbege hata nai.
“imadah toho do akka nadidokmuna i, saonari lam husadari ma akka parniulaan dohot hadirionhu, nungnga lalap be hape au akka na saleleng on. Attong di ari minggu dohot tu satorusna, burju nama au marminggu tu Gareja, mangalap gogo sian Tuhan I, jala martangiang uhut mamuji jala pasangaphon Goar-Na” ninna A. Pegol.
“Ima ikkon songon ido attong, taingot ma pabadiahon ari Ni Tuhan” ninna A. Puhut.
“Beta ma tuat ma hita sian Motor on, ai nga sahat hape sian nakkin, nga tok ngol-ngolan supir i paimahon hita haruar sian bagas” ninna si Takkual laos hehe sian hundulanna.
“Bah, ai nga didia hita?” ninna amani Puhut longang
“Nga sahat be tu Simpang Pos lae” ninna kernek nai laos hehe ma nasida tuat sian motor i……
Songon na bingung do ibana mamilih paheanna nanaeng pakkeonna tu si. Alai nang pe songon i dipillit ibana do sapasang jas na on, jala inama naumbagak sian na asing na adong di lamari inganan ni abitna i.
Dimanogotna dipartahuak ni manuk naparjolo sahali nga hehe A. Puhut jala nga dihobasi ibana na topek tu ulaon i. jala naik Sampri do ibana sian Sipagabu. Kebetulan ala sampri dope na jot-jot mordong-ordong di huta nasida Sipagabu.
Dibagas motor i tung massai longo do dihilala A. Puhut, marombas muse supirna dang amani Harapan na somal mamboan motor i. Jedi dang pala marpiga-piga kalimat na kaluar sian A. Puhut. Holan na kenalan do nasida di bagas motor i, jala goar ni supir nai si Ujang. Berarti dang halak batak on narohana. Umbaen i dang pola sadia nasida makkatai. “Eh tahe, molo tung so ha ajak makkatai ba ni ultom ma jolo timbaho on”, naroha ni A. Puhut. Dialtup imana ma tutu timbaho nai adong sampe 3 batang sahat tu onan ganjang.
Dung sahat tu onan ganjang adong ma sahalak ama namangambat motor na di tompang A. Puhut on. “naik, naik, naik Dolok sanggul, Medan” ninna kernek na on sian bangku ACC i.
Topet pittor hundul muse amanta I di hambirang ni A. Puhut. Dohot denggan di adopi A. Puhut. Marsijalangan nasida dohot patandahon dirina be. “Molo goarhu amang A. Puhut do” inna ibana.
“Molo hamu?” ninna amani Puhut manukkun.
“Molo au A. Pegol do bah” ninna ibana mangalusi nanget.
“Songon na uli paheanmuna dohot tasmuna balga, laho tudia do?” ninna A. Pegol manambai.
“ia ahu nanaeng laho tu Medan do lae, ala naeng wisuda anakkonhu marsogot” ninna A. Puhut nanget.
Mambege hata nai ngongong ma A. Pegol, jala sip-sip dang makkatai.
“Boasa sip hamu lae?” ninna A. Puhut nanget.
“ah tabo nai ho bah lae, adong anakkonmu na gabe sarjana, martua ma ho ba, uli nai nipim dohot tangiangmu. Boha ma ahu, hupasikkolahon do sude akka gellenghu, piga-piga hupakuliahon do, alai nanggo sada dang adong na jadi dohot na tammat. Adong ma nabandal, mangallangi uang sikkolana, marjuji dohot marganjai. Naungngeri dope huhilala, hupaborhat ma anakku tu Jakarta marsikkola manang kuliah, hukirimi balanjona tiap bulan, hape ndang na tutu marsikkola. Nipaborhat sada hian, hape mulak gabe tolu halak tu huta”. Ninna amani Pegol manuhuthon sitaononna i.
“maksudmuna aha do pinaborhat sada mulak tolu? Ai molo nabinoto sada na mararga situtu doi dah” ninna amani Puhut longang.
“Bah hian, holan ibana do pinaborhat tu Jakarta, hape mulak gabe dohot ma parumaen i dohot sada pahompu. Jadi tung maila situtu do ahu marnida pangalaho ni akka gellekkon. Sipata naeng do mandele au alani pangalaho ni sude gellengkon. Habis nasa hauma, habis parbalohan lari tu arta ni deba holan humokkop dak-danak on, alai nanggo sada pe nasida dang adong na marpahaseang” ninna amani Pegol songonna mandele jala mangapus pardompahanna naung marrara.
Dungi pittor didok A. Puhut i ma tu A. Pegol i. “Unang pittor songon i lae pakkilalaan dohot parhata-hataonmuna, sai hira naso adong be huida akka baga-baga diparngoluan muna….. tole baen, paisap jo, tole marisap jolo hita asa songon na lumbang jolo pikkiran i” ninna amani Puhut uhut ditarik ibana timbahona sian sakku ni bajuna.
Huhut marisap ma nasida dibagasan motor i, so ma muse motor Sampri i, ala adong sewa nanaeng masuk.
“Masuk…..masuk…..!!!!!!!” ninna kernek na on uhut manggantung di pintu ni motor i.
Dung masuk sewa i, pittor dipareak hundul topet di samping ni A. Puhut.
“Horas ma lae, molo au A. Puhut do, mauliate nga hundul hamu di lambung nami”
“Ia ahu amani Pegol do lae, molo hamu?” ninna A. Pegol manukkun.
“Oh, molo au si Takkual do bah” ninna ibana mangalusi sukkun2 nasida i.
Umbege goar I mekkel suping nasida nadua uhut pagalap sigaretna be nasida.
“Lao tudia hamu” ninna si Takkual jeppek. Dialusi nasida nadua “Biasa ma lae, laho tu Medan”
Jala laos dipatorang amani Puhut do pardalananna, ala naeng wisuda anakkonna.
“Ia hamu A. Pegol songon na marmera pardompahanmuna, lao tudia do hamu?” ninna si Takkual
“Imadah lae Takkual namangiburu dohot na mangapian do ahu mambege turi-turian ni A. Puhut on. Nungnga mulai sian Dolok sanggul hami nakkin marturi-turian taringot ni na maranakkon on. Nahusoritahon do sude angka pangalaho ni gellenghu, alani do lae” ninna ibana uhut di alsip sigaret nai.
“Songon on; hupasikkolahon do sude gellenghu alai nanggo sada pe dang adong na tammat, sude do mambaen hamamago, ndang adong namambaen hasangapon, hamoraon dohot hagabeon” ninna A. Pegol manambai
“ngeri nai ateh?” ninna si Takkual
“ai tarsingotna A. Pegol hea do hamu marminggu dohot martangiang?” ninna si Takkual manukkun nanget.
“Dang hea lae Takkual, songonon ma nga matua daging, dang hea hudalani Gareja laho marminggu dohot martangiang. Natal dohot Paskah pe tong do mangula tu balian holan humokkop dakdanak on sude” ninna ibana patoranghon.
“Ngeri nai ho poang, laos so hea di dalani ho gareja, Satonga ni ulaon do tangiang” ninna si Takkual.
“Olo toho do nadidok ni si Takkual lae A. Pegol, Ahu torus do marminggu. Molo so marminggu ahu songon na borat do huhilala sude daging on, jala sai songon naso mangolu do huhilala pikkiran on. Jala muse marhite namarminggu songon na godang do huhilala akka basa-basa dohot pasu-pasu na ro tu rumatangga nami, pangulaanhu pe dibalian gabe do. Songon na songe buse huhilala pinarmahanhu na di jaga-jaga si Puhut hian tikki di huta dope ibana (horbo) satonga taon kodo maranak, nga bakkaran huida, muse atik pasu-pasu na sian Tuhan i do i” ninna A. Puhut marsuhutan, manuhuthon parngoluaonna marhite haTuhanon.
“Bah tutu do bah, bereng hamu ma horbokku na hujaga-jaga i, nga bakkaran muse” ninna amani Puhut serom, ala songon na serom si Takkual otik umbege hata nai.
“imadah toho do akka nadidokmuna i, saonari lam husadari ma akka parniulaan dohot hadirionhu, nungnga lalap be hape au akka na saleleng on. Attong di ari minggu dohot tu satorusna, burju nama au marminggu tu Gareja, mangalap gogo sian Tuhan I, jala martangiang uhut mamuji jala pasangaphon Goar-Na” ninna A. Pegol.
“Ima ikkon songon ido attong, taingot ma pabadiahon ari Ni Tuhan” ninna A. Puhut.
“Beta ma tuat ma hita sian Motor on, ai nga sahat hape sian nakkin, nga tok ngol-ngolan supir i paimahon hita haruar sian bagas” ninna si Takkual laos hehe sian hundulanna.
“Bah, ai nga didia hita?” ninna amani Puhut longang
“Nga sahat be tu Simpang Pos lae” ninna kernek nai laos hehe ma nasida tuat sian motor i……
2011 ©Hengki® Matondang™
Comments